She Pulled Her Pants

Read Story: SEASON 1 EPISODE 30

My phone begin ring. I look the call, na so I

ignore am. The phone come ring 4 more

times. All na Perpetual dey on the line. Kai, I

just dey gyrate say na my time to do yanga

be that. I no call am till when I close from

office. Na that time I say make I call her so

that I go gist the short journey from my office

down to bridge or massalaci junction wey I

go see car enter.

“The number you are calling is not reachable.

Please try again later”

Thunder go fire MTN or the mumu network

wey no good. Useless people wey no dey like

their customer enjoy better thing. Na so I say

make I begin vex when my phone start to dey

ring again.

“brrrr brrrr”

I no form big boy o. After all, na she wan

apologize no be me. Na so I pick the call

come keep quiet for like 5 seconds.

“Hello, are you there?”

Kai, I miss that voice. Na so I swallow spit

compose myself. I no wan talk like say I dey

excited.

Everything na step by step.

“Yes, I am”

I answered, my voice come even surprise me.

The bass just come out, men, I come dey trip

for myself.

See bass abeg.

“Did you see my message?”

See question. I blind?

“Nah, did you send any message?”

I want make she use her mouth take talk

wetin dey the message. Una no fit blame me

na, once the wind change, na to mess follow

the direction. Na who dey road go hear the

smell.

“Ok, maybe network is holding the message

even though it showed ‘delivered’ on my

phone. Did you see my missed calls?”

Them no dey lie for this kind question. Mind

you, no be lie I dey lie, I just dey play

matured game.

“I did but I was busy.”

Na so her voice change…

“Busy doing what eh!”

O boy, the babe never change o.

“If you are going to talk to me in that

manner, I will drop this call”

Na so I threaten am. By that time I don dey

wait for car make e come.

“I am sorry. I love you and I want to be with

you.”

Walahi, this kind question no be me dey

answer am, na my diicck dey always do the

talking.

The preek just charge slightly as my mind just imagine how her body go look like

if she no wear cloth.

“hmmmm…”

Na wetin comot from my mouth but for my

mind na

“I FEEL GOODDDD… TA RA RA RA RA RA”.

“Is that all you will say?”

By that time car don come and I don jump

enter inside after elbowing one guy comot

from road. The guy self just dey outside dey

abuse me. For where, I send am, me don

enter car, na wetin important be that

“Hey see, we will talk later. I just entered into

a car.” (this line famous ma)

Na so I drop call before she fit protest.

Minutes later….

“I will be waiting for you in Oceanic Bakery”

Sweettttttt!!!!!!!